Аялал гэдгийг би "Хүний дотоод хүсэл зорилгын үндсэн дээр өөрийн тогтсон хэв маягаа өөрчлөн, тодорхой нэгэн зорилготойгоор, шилжилт хөдөлгөөн хийх" гэж ойлгодог. Би багаасаа л хөдөлгөөнтэй, дүрсгүй, шинэ зүйлийг сурахыг оролддог хүүхэд байсан болохоор ч тэр үү аялал жуулчлалын салбар илүү их таалагддаг. Тиймээс ч энэ сонирхлоороо аяллын мэргэжил эзэмшиж, мундаг гэр бүл, багш зөвлөгчид, аялагчид, ах эгч нарынхаа дэмжлэгтэйгээр өөрийн хэмжээнд Монгол орныхоо зарим үзэсгэлэнт нутгуудаар аялаад байна.