International Travel Mart (ITM)

Энэхүү үзэсгэлэнгийн зорилго нь аяллын компани, бааз, нислэгийн агентууд, жуулчинд үзвэр үйлчилгээ үзүүлдэг газрууд гэх мэт аяллын салбарын байгууллагууд нэг дор цугларан үйлчлүүлэгчид, хэрэглэгчдэд бүтээгдэхүүнээ сурталчилан танилцуулах, зарах, нэг дороос найдвартай эх сурвалжтайгаар бүх төрлийн үйлчилгээний мэдээлэл аван үйлчлүүлэх боломжыг олгодог. Монголын аялал жуулчлалын холбоо ерөнхий зохион байгуулалтыг хийдэг ба 21 аймгийн аялал жуулчлалын газрууд жил бүр ээлжлэн сонгогдож хамтран зохион байгуулдаг. Гадна дотны бүхий л жуулчин, иргэд хэрэгтэй мэдээллээ аван, үйлчлүүлэх байгууллагтайгаа холбогдож чаддагаараа онцлон. Мөн энэ үеэр хурлын танхимд нь байгууллагууд шинэ бүтээгдэхүүнээ сурталчлах, бизнес түншүүд хамтын гэрээ байгуулах үйл ажиллагаа хийх зэрэг үйл ажиллагаа мөн зохиогддог. Миний бие сүүлийн жилүүдэд зохион байгуулах албаны арын албанд үүрэг гүйцэтгэн ажиллаж, туршлагажин суралцаж байна. Арга хэмжээ нь жил бүрийн хавар зохион байгуулагддаг ба МАЖХ-ны цахим хаягаар мэдээллийг аван талбай авч оролцох болон, хугацаа байршил зэрэг мэдээллийг аваарай.