Аялал жуулчлалын залуусын алхалт

Аялал жуулчлалын салбарт хүчин зүтгэдэг, хувь нэмрээ оруулдаг, энэ салбарыг сонгон бизнес эрхэлдэг хэн бүхэн энэ аялалд нэгдэхэд нээлттэй ба сүүлийн 2 жил амжилттай зохион байгуулагдаж байна. 2019 оны 12 сарын 9нд энэ оны алхалт зохиогдсон ба ерөнхий зохион байгуулагчаар манай клуб буюу Мазаалай аяллын клуб ажилласан. Жилд ганцхан болдог энэ аяллын гол зорилго нь аялал жуулчлалын салбарынханыг нэг дор цугларуулан бизнесээ өргөтгөх, шинэ санаа гарцыг олох, тулгамдсан зарим асуудлыг шийдлийг ярилцах, хамтран ажиллах боломжыг олгох, танилцах зэрэг олон талын ач холбогдолтой. Онцлог нь дээрх бүх үйл явц танхим дотор биш цэвэр агаарт, аяллын хэлбэрээр хийгддэгээрээ онцлогтой. Та хэрэв оролцохыг хүсвэл жил бүр зохиогддог ба манай аяллын клубээр дамжуулан мэдээлэл авах, бүртгүүлэх боломжтой.